Menu

logo new 2015-5-11

Shamrock-png

දින තුනකින් කොළඹ කුණු ඇද්දේ නැත්නම් ඉසුර ගෙදර

දින තුනකින් කොළඹ කුණු ඇද්දේ නැත්නම් ඉසුර ගෙදර

කොළඹ නගරයේ සහ තදාසන්න නගරවල ගොඩගැසී තිබෙන කැළි කසළ දින තුනක් ඇතුළත ඉවත් නොකරන්නේ නම් මහ ඇමැතිධුරයෙන් ඉවත් කරන බවට බස්නාහිර මහ ඇමැති ඉසුර දේවප්‍රිය මහතාට ජනාධිපතිවරයා තදින් අවවාද කර ඇතැයි වාර්තා වේ.

ජනාධිපතිවරයා බස්නාහිර මහඇමැති දේවප්‍රිය මහතා පෙරේදා (17) උදේ ජනාධිපති නිල නිවසට කැඳවා මේ බව දැනුම් දී ඇතැයි ද රජයේ ආරංචි මාර්ග සඳහන් කරයි.

කොළඹ නගරයේ හා තදාසන්න නගරවල කුණු ගොඩගැසීම සම්බන්ධයෙන් ජනාධිපතිවරයා මහ ඇමැතිවරයාට තදින් දොස් පවරා ඇතැයි ද වාර්තා වේ.

ඩෙංගු මර්දනය සම්බන්ධයෙන් පෙරේදා පෙරවරුවේ පැවැති හදිසි රැස්වීමේදීත් ජනාධිපතිවරයා මේ පිළිබඳව ප්‍රකාශ කර ඇති අතර එම සාකච්ඡාවට මහ ඇමැතිවරයා සහභාගි නොවූ බව ද දැන ගැනීමට ඇත.

මේ අතර කොළඹ නගර සභාවේ කුණු ඉවත් කිරීමේ ටෙන්ඩරය නගර සභාව විසින් වාර්ෂිකව පෞද්ගලික සමාගමකට බාරදිය යුතු වූවත් මෙවර එම ටෙන්ඩරය වසර හතරක කාලයකට එක්වරම ලබා දී ඇතැයි ද ආරංචි මාර්ග කියයි.

වසරකට රුපියල් මිලියන 300 බැගින් වසර හතර සඳහා රුපියල් මිලියන 1200කට එම ටෙන්ඩරය ලබා දී ඇති බව ද වාර්තා වේ.

Leave a comment

Make sure you enter the (*) required information where indicated. HTML code is not allowed.

back to top
Info for bonus Review bet365 here.