Menu

logo new 2015-5-11

1255X100Shamrock-png

මේ අය ගැන දන්නවා නම් පොලීසියට කියන්න

මේ අය ගැන දන්නවා නම් පොලීසියට කියන්න

පිළියන්දල ප්‍රදේශයේදී පොලිස් මත්ද්‍රව්‍ය නාශක කාර්යාංශයේ වැටලීම් අංශයේ ස්ථානාධිපති පොලිස් පරීක්ෂක නියෝමාල් රංගජීව මහතා ඇතුළු පොලිස් කණ්ඩායමට වෙඩි තබන්නට පැමිණි පුද්ගලයන් ආ යතුරුපැදිය වෙඩි ප්‍රහාරයට පැය කිහිපයකට පෙර මිලදී ගැනීමට පැමිණි සැකකරුවන් දෙදෙනකු පිළිබඳව ලද විස්තර අනුව ඔවුන්ගේ හැඩරුව පොලිස් චිත්‍ර ශිල්පීන් විසින් චිත්‍රයට නඟා තිබේ.

සිද්ධිය වූ දිනයේ පස්වරුවේ දෙල්ගොඩ ප්‍රදේශයේ යතුරුපැදි අලෙවිසලකින් මොවුන් දෙදෙනා මෙම යතුරුපැදිය මිලදී ගෙන ඇති බවද විමර්ශනවලදී හෙළිවී ඇත.

සී.සී.ටී.වී. කැමරා දර්ශන උපයෝගි කර ගනිමින් එම සැකකරුවන් දෙදෙනාගේ රුව මෙලෙස චිත්‍රයට නඟා ඇති අතර ඔවුන් පිළිබඳ තොරතුරු වෙතොත් පහත දැක්වෙන දුරකතන අංකවලට දැනුම් දෙන ලෙසද පොලිසිය මහජනතාවගෙන් ඉල්ලා සිටී.

එසේම එම සැකකරුවන් පිළිබඳ සාර්ථක තොරතුරක් ලබාදෙන පුද්ගලයකුට පොලිස්පති පූජිත් ජයසුන්දර මහතා විසින් විශේෂ මුදල් ත්‍යාගයක් ලබා දීමටද කටයුතු යොදා ඇතැයි පොලිස් මූලස්ථානය පවසයි.

පොලිස් අධිකාරි නුගේගොඩ කොට්ඨාසය
ජංගම දුරකතනය _071 _ 8591641


ස්ථාවර දුරකතනය _011 _ 2852555

අධ්‍යක්ෂ කොළඹ අපරාධ කොට්ඨාසය (CCD)
ජංගම දුරකතනය _071 _ 8591727

ස්ථාවර දුරකතනය 011 _ 2662323

24 Hour Hot Line - 011 _ 2685151

01 වැනි ඡායාරූපය

වයස අවුරුදු 30 _ 35 අතර අඩි 05 අඟල් 03ක් පමණ උස කළු පැහැති කෙට්ටු සිරුරකින් යුත් මුහුණ තරමක් දිගැටි පුද්ගලයෙකි. මෙම පුද්ගලයාගේ එක් පාදයක ආබාධයක් පවතින අතර තරමක් කොර ගසන ආකාරයක් පෙන්නුම් කරයි.

02 වැනි ඡායාරූපය
වයස අවුරුදු 38 _ 42ත් අතර අඩි 5 අඟල් 06ක් පමණ උස සුදු පැහැති සාමාන්‍යයෙන් මහත සිරුරකින් යුත් පුද්ගලයෙකි

Leave a comment

Make sure you enter the (*) required information where indicated. HTML code is not allowed.

back to top
Info for bonus Review bet365 here.