Menu

logo new 2015-5-11

Shamrock-png

දැන් නිර්මාණ මිනිස්සුන්ගේ අධ්‍යාත්මයට කතා කරනවාද කියලා ප්‍රශ්නයක් තියෙනවා - සුනිල් එදිරිසිංහ

ඔබේ හඩින් ගැයුණු අලුත් ගීත ගැන දැනගන්න රසික පිරිස කැමති ඇති...

අලුත් ගීත නිර්මාණය කෙරෙන්නේ ඉඳහිට. නමුත් මම මෑත කාලයේදී ඒ විදියට ගීත කීපයක්ම කළා. ඒත් ඉස්සර තරමට අලුත් නිර්මාණ කෙරෙනවා අඩුයි.

ප්‍රවීණයන් දැන් අලුත් නිර්මාණ කරන්නේ නැහැ කියලා ගොඩක් අය කියනවා..

ඒකට හේතු රැසක් තියෙනවා. ඒක කෙටියෙන් පැහැදිලි කරන්න අසීරුයි. ලෝකයේ වෙනස්වීම එක්ක සංගීතයේ නව ප්‍රවණතා ඇතිවෙනවා.
තාක්ෂණය ගොඩක් දේවල් වෙනස් කරවා. ඒ වෙනස්වීම් තුළින් බිහිවන දේවල් මිනිසුන්ගේ ආධ්‍යාත්මයට කතා කරන දේවල්ද කියන එක ප්‍රශ්නයක්. අපි හැමදාම කතා කළේ මිනිසුන්ගේ ආධ්‍යාත්මයට. ඉතින් මේ වෙනස්වීම් එක්ක අපිට අලුත් දේවල් කරන්න අසීරුයි.

ඔබ ගීත ගායනයේදී තෝරා බේරා ගැනීම් කරනවාද?

අනිවාර්යයෙන්ම

ඒ කියන්නේ ප්‍රවීණයන්ගේ නිර්මාණවලට විතරද ඔබේ දායකත්වය සපයන්නේ?

කොහෙත්ම නැහැ. මගේ තෝරා ගැනීමේ පදනම ප්‍රවීණ ආධුනික භේදය නමෛයි. නිර්මාණය කුමන මට්ටමක තියනවාද කියන එක, නිර්මාණය හොඳනම් නවකයකුගේ වුණත් ඊට දායකවනවා.

සුනිල් එදිරිසිංහ ගායන ශිල්පියා දැන් අප හමුවන්නේ ප්‍රසංග වේදිකාව තුළින්. ඒ තුළ අලුත් තොරතුරු මොනවාද?

මගේ “සඳකඩ පහන” ප්‍රසංගය අගෝස්තු මාසේ 14 වැනිදා සවස 6.00ට මහරගම ජාතික තරුණ සේවා සභාවේදී පැවැත්වෙනවා.
ඒ ගැන වැඩි විස්තර දැනගන්න ඔබේ රසික පිරිස කැමති වේවි...
“සඳකඩ පහන” ප්‍රසංගය සම්මත ආකෘතිය තුළ යන ප්‍රසංගයක් නමෛයි. මෙහි නිවේදකයකු නැහැ. මා විසින්මයි හැඳින්වීම කරන්නේ. ගීත ගායනා කිරීම වගේම ගීතය ගැන කෙටි හැඳින්වීමකුත් කරනවා. මෙහි සංගීතය මෙහෙයවීම සිදුකරන්නේ සුනිල් අමරසිංහ, පිටපත හා සම්බන්ධීකරණය
පුෂ්කර වන්නි-ආරච්චිගෙන්. අගෝස්තු 14 “සඳකඩ පහන” ප්‍රසංගය පවත්වන්නේ වැලිපිල්ලෑව ශ්‍රී යසවර්ධනාරාම දහම් පාසලට ආධාර පිණිස. දහම් පාස‍ලේ සංවර්ධන සමිතිය විසින් තමයි මෙය සංවිධානය කරන්නේ.

Read more...

අප්පුහාමිලා ඉඹලා පිලිගන්නේ 2 වෙනිදා

ලේඛකයකු වන කේ.ජී.පිලිප් ශාන්ත බ්ලොග් හා වෙබ් අඩවි වලටත් පුවත් පත් වලටත් ලියූ දේශපාලන තීරු ලිපි එකතුව - අප්පුහාමිගේ ඉඹලා පිළිගැනීම - ග්‍රන්ථයක් ලෙස ජනගත කිරීමට සමගාමීව පවත්වන දේශපාලන සංවාදයක් අගෝස්තු 02දා අගහරුවාද සවස 4ට ජාතික පුස්තකාල හා ප්‍රලේඛන සේවා මණ්ඩල ශ්‍රවණාගාරයේ දී පැවැත්වේ.

Read more...

බස්කොන්දොස්තර රජිනි කාන්ත්ගේ රියදුරා තවමත් එතැනම සිට මිත්‍රත්වය රකී

රජිනි කාන්ත් රඟපාන ‘කබාලි‘ චිත්‍රපටය මේ දිනවල ඔහුගේ අනුගාමිකයින් අතර ඇති කර තිබෙන උන්මාදය දැන් සිනමාව ගැන උනන්දු වන කවුරුත් කතාබහ කරන මාතෘකාවක්. ඔහුගේ චිත්‍රපටය නරඹන්න දවස් ගණන් තිස්සෙ ‍පෝලිම්වල ඉන්න රසිකයින් ගැන කතන්දර අලුත් දේවල් ‍නෙවෙයි. මේ වනවිට 65 වැනි වියේ පසුවන රජිනි කාන්ත් ඉන්දියාවේ සිටින ධනවත්ම සිනමා තාරකාවක් බවත් රහසක් නොවෙයි. ‘කබාලි‘ චිත්‍රපටය වෙනුවෙන් ඔහු අය කරපු මුදල, චිත්‍රපටයේ ආදායමින්ද කොටසක් සමග ඉන්දියානු රුපියල් කෝටි 80 ක් බව සඳහන් වුණා.

Read more...

කබාලි බැලීමට නොහැකි වූ තරුණයෙකු සිය දිවි නසා ගනී

කබාලී සිනමා නිර්මාණය තිරගත වූ පළමු දිනයේ ප්‍රවේශපත්‍රයක් මිළට ගැනීමට නොහැකිව ඇති වූ හිත් වේදනාව නිසා සිය දිවි නසාගැනීමට සිතූ තරුණයෙකු උස් ගොඩනැගිල්ලක සිට බිමට පැන සිය දිවි නසාගෙන ඇති බව වාර්තාවේ.

Read more...

ඉක්බිති ඔවුහු බුදියගත්හ

තක්ෂිලා ස්වර්ණමාලිගේ දහවන කෘතිය වන 'ඉක්බිති ඔවුහු බුදියගත්හ' නවකතාව  ආශිර්වාද ප‍්‍රකාශනයක් ලෙස පසුගිය දා පාඨකයා අතට පත්කෙරිණ.

 
''ගිණිය නොහී තරම් මනුෂ්‍යයෝ ද සත්වයෝ ද ගහකොළ ද තම කතාන්දරය ද සමඟ පොළොවේ පාංශු බවට පත්ව සිටිති. එ් කතාන්දර වලින් තිතක් තරම්වත් අපි නොදනිමු. තමා හොඳින් ම දන්නා කතාව යැයි සිතා සිටින තම කතාව ද තමා හරිහැටි නොදනී. අපි බොහෝ දේ නොදැන බොහෝ දේ නොතේරී මියයමින් සිටිමු. බරපතල ඛේදවාචකය නම් ඉතිහාසය විසින් දෙන ලද පීඩාසහගත තත්වයන් වෙනස් කිරීමට වෙර නොදරා එ්වාට අතාර්කිකව අනුගතව හිඳ දකුණු ඉවුරේ මියයාමයි. වම් ඉවුර ලිස්සන සුළු නමුදු සෝදාපාළු වී නොමැත. සියල්ල අවසන යළි සියල්ල ආරම්භව ඇත. සභාතොමෝ සතුටින් විසිර නොගියහ. ඔවුහු වේදනාවන් කදක් ගෙන අසතුටින් විසිර ගියහ. ඔවුහු පුරන් වූ වම් ඉවුර අස්වද්දනු පිණිස වම් ඉවුර හාරා ගවේශනය කරමින් සිටිති. ‘ඔවුහු’ සැබෑවට ම සොයමින් සිටිති. බිඳී විසිර ගොස් සොයමින් සිටිති. එකල්හි ‘මොවුහු’ වම් ඉවුරේ රෝපණය නොලද්දාහු නමුදු දකුණු ඉවුරට සේන්දු නොවී වම් ඉවුර අසබඩ ගං දියේ පාවෙන දඬු කැබලි වන්ව රැඳී සිටිති. ඇතැම්විට මොවුන් රෝපණය වනු ඇත. ඇතැම්විට මොවුන් රෝපණය නොවනු ඇත. එහෙත් කවුරුන් හෝ රෝපණය වනු ඇත.'' - 'ඉක්බිති ඔවුහු බුදියගත්හ' නවකතාව
Read more...

නුවර කෙල්ලෙක් හොලිවුඩ් ජයගනී

2017තිරගත වීමට නියමිත Justice League නම් හොලිවුඩ් චිත්‍රපටයේ රංගනයෙන් දායක වනශ්‍රී ලාංකික නිළියක් ගැන මේ දිනවල බොහෝ දෙනා කතාබහ කරනවා.

Read more...

බොරලැස්ගමුවේ සංස්කෘති සඟරාවෙන් නවකයින්ට ඉඩ

බොරලැස්ගමුව සංස්කෘති ප්‍රකාශන සංගමය විසින් දියත් කරනු ලබන සංස්කෘති සඟරාව සදහා නව ලේඛකයින් බදවා ගැනීමේ කටයුතු පසුගියදා සිදුකෙරිණි.
1953 වැනි ඈතක සිට පවත්වාගෙන එන ලබන මෙම සංස්කෘති සඟරාව සදහා දිවයිනේ බොහෝ ප්‍ර දේශයන්හි ලේඛක ලේඛකයින් විසින් තම නිර්මාණ එළිදක්වන ලදී.

Read more...

දලිත් දේශපාලනය, ස්ත්‍රීවාදී සාහිත්‍ය හරහා ලක්ෂ්මි හෝම්ස්ට්රෝනම් කියවීම - සුභාෂිනී චතුරිකා

දෙමළ සාහිත්‍ය තුළ පෙළහර පෑ විශිෂ්ඨතම පරිවර්තිකාවක් මෙන්ම සම්මානලාභි දෙමළ කෙටිකතා සහ කාව්‍ය පරිවර්තිකාවක් වන ලක්ෂ්මි හෝම්ස්ට්රෝනම්, මැයි මස 7 වැනිදා(2016) මෙලොව හැර ගියාය.

Read more...

ප්‍රථම ටෙලියේ අධ්‍යක්ෂ ඩී.බී නිහාල්සිංහ මිය යයි

මෙරට සිනමා ක්ෂේත්‍රයට අමිල මෙහෙවරක් සිදුකළ ප්‍රවීණ සිනමාකරුවකු වන ආචාර්ය ඩී.බී නිහාල්සිංහ මහතා අභාවප්‍රාප්ත වී තිබේ. කොළඹ පෞද්ගලික රෝහලක ප්‍රතිකාර ලබමින් සිටි ඒ මහතා මීට ටික වේලාවකට පෙර අභාවප්‍රාප්ත වී ඇත.

Read more...

ප්‍රේමදාස විතානගේ ජීවිත රග මඩලින් සමුගනී

ප්‍රකට වේදිකා හා ටෙලිනාට්‍ය හා සිනමා රංගන ශිල්පියෙකු වන ප්‍රේමදාස විතානගේ මහතා කළුබෝවිල රෝහලේදී අභාවප්‍රාප්ත විය. ඔහු වසර 45 ක් පුරා රංගනයේ නිරතව සිටි අයෙකි.

Read more...

සායාගේ ජේලර් 08 වන දා එළියට එයි

ඔහු අපූරු නිවේදකයෙකි. නාට්‍ය රචකයෙකි, මාධ්‍ය වේදියෙකි, අධ්‍යක්ෂවරයෙකි, සාහිත්‍ය ධරයෙකි, අපූරු මිනිසෙකි, මේ අසංක සායක්කාර නම් යෞවුන් වියේ නිර්මාණ කරුවා පිළිබද කෙටිම හැදින්වීමය. ඔහු අලුතෙන් වැඩකට අතගසා ඇත. නව කතාවකි. නිර්මාණකරුවෙකුගේ සංවරවීම හා පරිනත වීම ඔහු විසින් සාත්සාත් කර ගනු ලබන මහා සාහිත්‍ය අත්පත් කර ගැනීම විසින් පිළිබිඹු වනවා සේම අසංක සායක්කාරයන්ද එකී පරිනතවීමට අතගසා ඇත.

Read more...
Subscribe to this RSS feed
Info for bonus Review bet365 here.