Menu

logo new 2015-5-11

Shamrock-png

ස්කයිප් එකෙන් කල යුධ පිටිය

කොළඹ විශ්වවිද්‍යාලයේ " යුධ පිටියේ සවාරියක් " සහ " උදාර නිදහස " නාට්‍ය පැවතුනා.. නාට්‍ය බලන්න යන්න කලින්ම පවුද්ගලිකව මට අදහසක් තිබුන මේ නාට්‍යයේ පසුබිම ගැන. එනිසාම පළමුවත් දෙවනුවත් මේ සටහන ලියන්න කලින් විජිත ගුණරත්න ප්‍රමුක පනම් හතරක් හොයා ගන්න විදෙස් ගත වෙලා ඉතාලියේ ජීවත් වෙන සහෝදරයන්ට මගේ ආදරය පිරිනමලා ඉන්නම ඕනි.

ලංකාවේ වගේම යුරෝපෙත් රැකියාවක එක දිගට නිවාඩුවක් ගන්නවා කියන්නේ ලෙහෙසි පහසු කාර්යක් නෙවි. ඕනිම මොහොතක උඹ හෙට ඉඳන් වැඩට එන්න එපා කියන්න පුළුවන්. එවැනි වට පිටාවක අමාරුවෙන් රැකියා වලින් නිවාඩු අරගෙන ලක්ෂ ගානක් මුදල් වියදම් කරලා ටිකට් අරගෙන ඒ ලැබෙන නිවාඩුවේ සියලුම දවස් නාට්‍ය වෙනුවෙන් කැපකරලා, ඉතාමත් අඩු පහසුකම් මැද අතිශය වෙහෙසකර උත්සහයක නිරත වෙලා ඉන්න ඔවුන්ගේ දහදිය සුවඳ දැනෙනකොට වචනයෙන් නොකිව්වට සහෝදරයා වරෙන් මාව වැළඳ ගනින් කියන්න හිතෙනවා.

විජිත ගුණරත්න අවුරුදු ගණනක තමන්ගේ නාට්‍ය දැනුම පෙරපාසල් දරුවෝ ටිකක් මුල ඉඳන් හදන්න වගේ හදල කියල දැනෙන්නේ, මේ මොහොතේත් යම් අඩු පාඩු කතා කරනකොට පවා දක්වන දයාබරකම දැනෙන්නේ, දවසම වැඩ කරලා මහා රෑ එකට දෙකට පුහුණුවීම් වලට එන කම්කරුවාගේ මනෝ භාවය තේරුම් අරගෙන.

නාට්‍ය අධ්‍යක්ෂක වරයෙක්ට නාට්‍ය පුහුණුවීමක් අතරතුර නළුවන්ට කෑ ගහන්න පුළුවන්. එහාට වෙන්න මෙහාට වෙන්න, තව හැගීම් දෙන්න රිලැක්ස් වෙන්න කියන්න පුළුවන්. සොදුරු නියෝග දෙන්නාගේ වැඩේ කරන්න පුළුවන්. නමුත් විජිත මේ දේවල් කරලා තිබෙන්නේ කම්පියුටරයක ස්ක්‍රීන් එකකින් බලාගෙන. එක නළුවෙක් හදනකොට අනිත් නළුවා ස්ක්‍රීන් එකේ පෙන්නේ නැහැ.

ඒ නිසාම විජිත ගුණරත්නගේ මේ දේශපාලනික දුෂ්කර උත්සාහය නාට්‍ය ඉතිහාසෙ ඒ බරින්ම ලියවෙනවා.

ඔහු නාට්‍ය අධ්‍යක්ෂක වරයෙක් පමණක්ම නෙවි. හැකිනම් කරමු, නොහැකිනම් කෙසේ හෝ කරමු කියන දහිර්යක් තියෙන මිනිහෙක්.

ඒ ගරුත්වය ඔවුන්ට දෙන ගමන්ම ආදරයෙන් ඔවුන්ට යෝජනා කිහිපයක් කරනවා. තව තවත් ඔවුන් තමන්ගේ සතරවිධ අභිනය ගැන පුහුණුවීම් කරන්නම ඕනි. උදාහරණයක් විදිහයට අන්දයා හා කොරා කියන චරිත දෙක ගනිමු. අන්දය ඇස් දෙක පේනවට අකමැති වෙන්නේ ඇයි. ? කොරා ඇවිදින්න පුළුවන් වෙනවට අකැමති වෙන්නේ ඇයි? ලෝකේ කිසිම මිනිහෙක් නොපෙනන ඇස් දෙකක් පේනවට අකමැති වෙන්නේ නැහැ.

ලෝකේ කිසිම මිනිහෙක් ඇවිදින්න බැරි කකුල් දෙකට වාරු එනවට අකමැති වෙන්නේ නැහැ. හැබැයි මේ සමාජ ක්‍රමය ඔවුන්ට ඒක උරුම කරලා. දෙවියන්ගේ පුත්‍රයා ඇස් පෙනීම දුන්නට කකුල් වලට පන දුන්නට කුසගින්නට කන්න මුකුත් හොයල දෙන්නේ නැහැ. බඩගින්නේ මැරෙනවට වඩා ඉහත දුබලතා හොඳයි කියල හිතෙන්නේ ඒ නිසා.

ඉතින් ඒ හැගීම , ඇස් පේනවටත් කැමති එත් අකමැති කකුල් පන එනවටත් කැමති ඒත් අකමැති ඒ සංකීර්ණ හැගීම්, කුතුහලය ප්‍රතිනිර්මාණය කරනකොට තව තවත් හදාරන්න ඕනි. ඒ මනෝභාවයන් අධ්‍යනය කරන්න ඕනි කියල සහෝදරත්වයෙන් යෝජනා කරනවා.

ගැහැණියකගේ චරිතයකට පන පොවන එක ලෙහෙසි පහසු නැහැ. මොකද බොහෝ විට ගැහැණියකගෙ චරිතයක් පිරිමියෙක් කරනකොට ඒක විහිලුවකට ලං වීමේ සම්භාවිතාව වැඩි. ඒ නළුවම විනාඩි ගණනකින් ඊට සපුරා වෙනස් චරිතයක් කිරීම ප්‍රවීණ නළුවෙක්ටත් පහසු නැහැ. ඒ අභියෝගය බාර අරන් ඉන්න සහෝදරයා තව තවත් ඒ ගැන අධ්‍යනය කලයුතුයි කියල යෝජනා කරන ගමන්ම මේ මොහොතේ ඔහුගේ ප්‍රත්භාවට අදාල ගරුත්වය ලබා දෙන්නේ හිත ඇතුලේ කැකෑරෙන ආදරෙන්.

ලංකාවේ ප්‍රවීණ රංගන ශිල්පියො පවා රට පුරා දිගට දර්ශන දෙක තුනක් යද්දී ශාරීරිකව කඩා වැටෙන්නේ ගමන් මහන්සියේ ඉඳල කෑම බීමේ ඉඳල සියල්ල සුව පහසු නැති නිසා. එත් ඒ කිසිදු අත් දැකීමක් නැති උඹලගේ ජවය ගැන උද්යෝගය ගැන ආඩම්බරයි.

ඉතින් සියළු සගයනි, යන්න කලින් ආයිත් දවසක් හරි උඹලගේ දැවැන්ත කැපකිරීම, උත්සාහය විඳ ගන්න දහිර්යක් වෙන්න මොහොතකට හරි ලංකාවේ කොහේ හෝ තැනක හමු වෙනවමයි. ඉතින් ජය.

ලක්මාල් රණබාහු

 

Read more...

රන්දුනුගේ සංචරණ කෘතිය දොරඩවැඩමුම 01 වෙනිදා

මේ වන විට ශ‍්‍රී ලංකාව තුළ ඉතාම ජනප‍්‍රිය මෙන්ම වඩාත් කථාබහට ලක්වන ක්ෂේත‍්‍රයක් වන සංචාරක ව්‍යාපාරය ආශ‍්‍රිතව සිංහල භාෂාවෙන් ලියවී ඇති ග‍්‍රන්ථ ප‍්‍රමාණය ඉතා අල්පය. නමුත් අද වන විට විශ්වවිද්‍යාල ක්ෂේත‍්‍රය තුළ විද්‍යාර්ථයින් සඳහා මෙන්ම උසස් පෙළ ඇතැම් විෂයන් සඳහා ද සංචාරක ව්‍යාපාරය සම්බන්ධ කොටස් ඇතුළත් වී තිබේ. එබැවින් ලෝක සංචාරක ව්‍යාපාරයේ ඓතිහාසික වර්ධනයත් ශ‍්‍රී ලංකාවේ පුරාවිද්‍යා උරුම ආශ‍්‍රිත සංචාරක ව්‍යාපාරය පිළිබඳවත්, විමර්ශනාත්මක ශාස්ත‍්‍රීය ලිපි ඇතුළත් ග‍්‍රන්ථයක් වූ සංචරණ කෘතිය පොදුවේ කා හටත් පහසුවෙන් පරිශීලනය කළ හැකි ආකාරයෙන් රචනා කොට තිබේ.

Read more...

පසුව පැමිණි ලියමන - ඔබ නැතිව ඔබ එක්ක - කැළුම් නවරත්න

ලංකාවේ ජාතික ගැටළුව සම්බන්ධයෙන් මේ දිනවල එක් එක් ආකාරයේ සාකච්ඡා මතුවෙමින් ඇති අතර දේශපාලන පක්ෂ, සිවිල් ක‍්‍රියාකාරිකයින් විශේෂ වශයෙන් මේ ප‍්‍රශ්නය දෙසට ක‍්‍රියාත්මක වෙමින් පවතී. ඒ තිබියදීත් පසුගියදා තිරගත වුණු ප‍්‍රසන්න විතානගේගේ ‘ඔබ නැතිව ඔබ එක්ක’ චිත‍්‍රපටය පිළිබෙද සිදුකළ සාකච්ඡාවේ ඇති දරිද්‍රතාවය පිළිබද අපි නැවතත් සිතිය යුතුය. විචාර එකක් දෙකක් (භූපති නලින් දේශනය හා අජිත් පැරකුම්ගේ විචාර පිළිබ`ද මම දැනුවත්වීමි) හැරෙන්නට මෙම කෘතිය පිළිබ`ද පළවූ කෘතියේ දෘශ්ටිවාදී ආස්ථාන පිළිබද තවදුරටත් සාකච්ඡාව අවුලූවාලීමට අවශ්‍ය බවයි මට නම් සිතෙන්නේ.

Read more...

පෞරුෂයක් සහිත හඬ නිර්මාණ එළිදැක්වෙන, මන්දර පව්ව

ලාංකේය සංගීතයේ නව මං සොයා යන හඬ පෞරුෂයන් පහකින් සමන්විත වූ මන්දර පව්ර නම් සංගීත නිර්මාණ ප්‍රසංගය නොවැම්බර් මස 28 වන දින නෙළුම් පොකුණේදී කරලිගත වීමට නියමිතව ඇත.

Read more...

මාස්ටර්ගේ හැන්දෑව පදනම් ආයතනයේදී

ආචාර්ය පේ‍්‍රමසිරි කේමදාස හත්වන ගුණ සමරුව 'කේමදාස හැන්දෑව' නමින් 2015 ඔක්තෝම්බර් 01 බ‍්‍රහස්පතින්දා ප.ව. 4:00 ට ශ‍්‍රී ලංකා පදනම් ආයතනයේ දී පැවැත්වීමට නියමිතය.

Read more...

වික්‍රමාරච්චි මරා දැමීමට නියමිත මධු සාදය

‘සාහිත මධු සාදය – Season II (1 පියවර) යටතේ සමන් වික‍්‍රමාරච්චිගේ ‘අසන්ධිමිත්තා’ නම් වූ ප‍්‍රබන්ධ සාහිත්‍ය කෘතිය සංවාදයට ළක් කිරීම 2015 සැප්තැම්බර් 26 දින සවස 4 සිට BMICH හි පැවැත්වෙන ජාත්‍යන්තර පොත් ප‍්‍රදර්ශන පරිශ‍්‍රයේදී (වායුසමනය කළ පොත් එළි දක්වන ස්ථානය) පැවැත්වේ.

Read more...

නදී දේශපාලනිකව කියවන්න 18 එන්න

නදී වාසලමුදලිආරච්චිගේ ‘වුල්ෆන්ඩාල් ස්ටී‍්‍රට්’ නවකතාව සහ ‘ප්‍රේමය සමග පි‍්‍රන්සිපැලිටියට එරෙහිව’ කාව්‍යය සංග‍්‍රහය පිළිබඳ කෙරෙන දේශපාලනික කියවීමක් පාඨකයින් වෙනුවෙන් තිළිණ කරන්නට නියමිත ය.

Read more...

දෙමළාගේ ප්‍රශ්නය කතා කරන්න එන්න

දෙමළ ජනයාගේ දේශපාලන අභිලාෂ පිළිබඳ වූ සිංහල-බෞද්ධ ජාතිකවාදී කතිකාව ගැන විශ්ලේෂණාත්මක විචාරයක් යන මැයෙන් පවත්වනු ලබන දේශනයක් එළඹෙන සැප්තැම්බර් 14 පස්වරු 02.00 ට කොළඹ විශ්වවිද්‍යාලයේ, ශාස්ත්‍රපීඨ ගොඩනැගිල්ලෙහි එම්.බී. ආරියපාල ශ්‍රවණාගාරයේදී පැවැත්වේ.

Read more...

නෙහාරා රට අත්හැර ඇමරිකාවේ පදිංචියට යයි,

ටෙලි නාට්‍ය රංගන ශිල්පිනියක හා නිවේදිකාවක වන නෙහාර පීරිස් ඊයේ (27) ඇමරිකාවේ ස්ථිර පදිංචිය සදහා පිටත්ව ගිය බව වාර්තාවේ. ඇය සමග ඇයගේ සැමියා වන මේනක ද මෙලෙස රට අත්හැර යන අතර මොවුන් දෙදෙනා පසුගිය වසර කිහිපය තුළම ටෙලිනාට්‍ය කලාවේ ජනප්‍රියම තරු යුවල බවට පත්විය.

Read more...

තියට(R)රහට.. ආශ්වාදය සහතිකයි !

‘තියට රහට’ නාට්‍ය උළෙලේ පළමු අදියර ලෙස අගෝස්තු 7,8,9 කියන දින තුනේ බොරැුල්ල නාමෙල් මාලිනී පුංචි තියටර් රඟහලේ සවස 3.30ට සහ 6.30ට නාට්‍ය තුනක් පෙන්වීමට කටයුතු සූදානම් වෙමින් පවතියි. අගෝස්තු 7 වෙනිදා චමිල ප‍්‍රියංකගේ ‘මෙය තුවක්කුවක් නොවේ’ නාට්‍යයත් , අගෝස්තු 8 වෙනිදා චාමර ගුරුගේ ගේ what a nice couple’ නාට්‍යත්, අගෝස්තු 9 වෙනිදා අසංක සායක්කාරගේ ‘සංඝදාසගේ චූටි කලිසම‘ නාට්‍යත් මෙලෙස වේදිකාගතවීමට නියමිතය. ලංකාවේ තරුණ නාට්‍යකරුවන් තිදෙනෙක් විසින් ලාංකේය සමාජ දේශපාලන පරිසරය පිළිබඳව සිදුකරන එකිනෙකට වෙනස් වූ කියවීම් ති‍්‍රත්වයක් මෙම නාට්‍ය තුන හරහා මතු කිරීමට බලාපොරොත්තු වන අතර, මේ එම උළෙල පිළිබඳව පැවැත්වූ කතාබහකි.

Read more...

වෘත්තිය සටන් රෙද්ද අස්සෙන් පෙනෙන සංගදාසගේ චූටි කලිසම

ලංකාවේ වෘත්තිය සටන් ඉතිහාසය අධ්‍යයනය කරන්නෙකු ඒවායෙහි හරයන් කවරාකාරද යන්න මනාව වටහාගත හැක. ලාංකේය ඉතිහාසයේ එදා මෙදා තුර වෘත්තීය සටන් පාවාදීම්, විකුණා දැමීම්, මුලාකිරීම් හා බිල්ලට ගැනීම් දක්වා වූ ජරාජීර්ණ ඉතිහාසයකට උරුමකම් කියන්නේය. 
Read more...

යුග හද බැදි සිත්තාරා මිය යයි.

කාටූන් සහ චිත්‍ර කතා කලාවේ පුරෝගාමියෙකු වු දයා රාජපක්ෂ මහතා ඊයේ (26) අලුයම අභාවප්‍රාප්ත වී තිබේ.කොළඹ ජාතික රෝහලේ දී ඒ මහතා අභාවප්‍රාප්ත වී ඇති බවත් කලක් රෝගාතුරව සිටි දයා රාජපක්ෂ මහතා මියයන විට 78 වන වියේ පසු වූ බවත් පවුලේ ඥාතියෙකු සඳහන් කළේය.

Read more...
Subscribe to this RSS feed
Info for bonus Review bet365 here.